Dungkhor Lama

  ལུགས་འབྱུང་ལྡོག་གི་སྦྱོར་བ་བརྒྱད་ཀྱིས་སྟོན་པ་ཚད་མའི་སྐྱེས་བུར་སྒྲུབ་ཚུལ་ཇི་ཡིན་ཞེ་ན། ༡ བཅོམ་ལྡན་འདས་དང་རྒྱུད་གཅིག་ཏུ་གྱུར་བའི་བྱང་སེམས་ཚོགས་ལམ་ཐོབ་མ་ཐག་པ་ཆོས་ཅན། རང་རྒྱུད་ལ་སྟོན་པ་ཞེས་པའི་སྐབས་ནས་དངོས་སུ་བསྟན་པའི་སྟོན་པ་སྦྱོར་བ་ཕུན་ཚོགས་བདག་མེད་རྟོགས་པའི་ཤེས་རབ་འབྱུང་རུང་ཡིན་ཏེ། ཕན་བཞེད་པ་ཞེས་པའི་སྐབས་ནས་དངོས་སུ་བསྟན་པའི་བསམ་པ་ཕུན་ཚོགས་སྙིང་རྗེ་ཆེན་པོ་རྒྱུད་ལ་ལྡན་པའི་བྱང་སེམས་སོ་སྐྱེས་ཡིན་པའི་ཕྱིར། དེ་ཡང་དཔེར་ན། ནད་པ་ནད་ལས་གྲོལ་བར་འདོད་པའི་སྨན་པ་མཁས་པ་གང་ཞིག་གིས་ཐོག་མར་སྨན་གྱི་སྦྱོར་བ་ལ་བརྩོན་པ་བཞིན་ནོ།། ༢ དེ་དང་རྒྱུད་གཅིག་ཏུ་གྱུར་བའི་བྱང་སེམས་མཐོང་ལམ་རྣམ་གྲོལ་ལམ་པ་བ་ཆོས་ཅན། རང་རྒྱུད་ལ་བདེ་གཤེགས་ཞེས་པའི་སྐབས་ནས་དངོས་སུ་བསྟན་པའི་ཁྱད་པར་གསུམ་ལྡན་གྱི་སྤངས་པ་བདེ་གཤེགས་འབྱུང་རུང་ཡིན་ཏེ། གང་ཟག་གི་བདག་མེད་མངོན་སུམ་དུ་རྟོགས་པའི་བྱང་སེམས་ཡིན་པའི་ཕྱིར། དཔེར་ན། ནད་པ་ནད་ལས་གྲོལ་བར་འདོད་པའི་སྨན་པ་མཁས་པས་ནད་པའི་ནད་འཚོ་བར་བྱེད་པ་བཞིན་ནོ། ། ༣ དེ་དང་རྒྱུད་གཅིག་པའི་བྱང་སེམས་རྒྱུན་མཐའ་བས་རྣམ་མཁྱེན་སྐད་ཅིག་དང་པོ་ཐོབ་མ་ཐག་པའི་སངས་རྒྱས་འཕགས་པ་ཆོས་ཅན། རང་རྒྱུད་ལ་སྐྱོབ་པ་ཞེས་པའི་སྐབས་ནས་བསྟན་པའི་གཞན་དོན...

ལྷག་དཀར་གྱི་ཉིན་དཔེ་ཁྲིད་དགེངས་ཤོག་བསྐངས། སྔོན་བསུས་ནས་མོས་པ་ཡོད་པའི་ཁར། ཟླ་གཅིག་ཙམ་གྱི་སྔོན་ཁང་ཚན་སྤྱི་འགན་ལས་དོན་གཞན་ཞིག་གི་ཐད་ལ་འདི་གར་ཕེབས་ནས་ང་དང་ཅུང་ཟད་ཅི་འགྲོ་མིན་འགྲོ་བཤད་སྡོད་པའི་འཕྲོད་བཤད་ལ། རྒན་གྱི་དྲུང་ལ་དཔེ་ཁྲིར་ཡོང་མཁན་ཇི་ཡོད་དང་ལྔ་བཅུ་ཙམ་ཡོད་པའི་སྐོར་འདྲིས་པ་ལ། གུས་པས་ལྔ་བཅུ་གང་ནས་འོང་ཉི་ཤུ་རྩ་གྲངས་འོང་། འཛིན་གྲྭ་འགའ་ཞིག་ལ་སློབ་མ་གཅིག་བྱས་པའང་ཡོད་ཞུས་པ་ཡིན། ད་ཆ་ཁང་ཚན་ལ་དཔེ་ཆ་སློབ་ཁྲིད་ཆེ་ཤོས་ཁྱོད་རང་རེད་འདུག་པས། མུ་མཐུས་ནས་ཕན་ཕྱིར་གྲྭ་ཚང་ལ་དགོངས་ཤོག་འབུལ་ཐུབ་ན་ཡག་པོ་ཡོང་གི་རེད་ཅེས་གསུངས་སོང་།    ངོས་ནས་ད་བར་དགོངས་ཤོག་ཐད་ལ་དམིགས་བསལ་གང་ཡང་བསམ་བློ་མ་བཏང་། འོང་ཀྱང་། སློབ་མ་རྣམས་ལ་ཕན་ཐོགས་བྱུང་ན་གང་ཐུབ་ཀྱིས་ཞབས་ཕྱི་ཞུས་བསམ་པ་ཡོད་ཅེས་ཞུས་པར། དེ་ཡག་པོ་འདུག་ཁང་ཚན་ནང་དགོས་ངེས་རེད། ང་གྲྭ་ཚང་ཚོགས་དུས་ལ་འགྲོ་སྐབས་དགོངས་ཤོག་སྐོར་ལ་བལྟ་གི་ཡིན་ཅེས་གསུངས་སོང་། ཉིན་ཤས་རྗེས་ལ་རྒྱུད་ལམ་ཐོག་ནས་་སྤྱི་འགན་དང་བཀའ་མོལ་ལ་ཚོགས་འདུ་བཅས་ལ་ཞལ་ནས་གསུང་པར་མི་འཚམས་པས། ཕལ་ཆེར་སྙན་ཡིག་ཐོག་འབུལ་དགོས་ཚོད་ཡིན་པས། རང་མིང་དང་ངོ་སྤྲོད་ཨང་དགོས་ངེས་པས་ངོ་སྤྲོད་འཕྲིན་ཐུང་ཕུལ་ལོ།།    བདུན་ཕྲག་ག...

 1, རང་ཉིད་མ་བཏུལ་བར་གཞན་འདུལ་བའི་ཐབས་མེད། ཅེས་པ་ལྟར།  གཞན་ཞིག་འདུལ་བའི་བསམ་པ་རེ་བ་ལྷག་པོ་ཞིག་གང་ཡང་མེད་ལ། སློབ་ཁྲིད་ལས་འགུལ་འདི་ནི། པད་ཁྲིད་ཀྱི་རྣམ་འགྱུར་མེད་ལ་པད་ཁྲིད་ཟེར་བའི་ཐ་སྙན་ཀྱང་མེད། རྣམ་པར་དག་པས་ལས་འགུལ་འདི་ནི། ལབ་ལབ་དང་སློབ་སྦྱོང་སྤེལ་རེ་བྱེད་པ་ཙམ་ཡིན།། 2, ཆོས་གྲོགས་ན་གཞོན་བློ་ཁ་ཅུང་ཞན་པ་དང་། དཔེ་ཆ་ཤེས་འདོད་ཅན། བསླབ་པ་སློབ་གཉེར་གང་ཐུབ་བྱ་སྙམ་པའི་ན་གཞོན་སློབ་མ་རེ་གཉིས་ཡིན་ནའང་ཕན་ན་སེམས་པ་ཡིན།། 3, གདན་ས་གྲྭ་ཚང་དང་། དགེ་བའི་བཤེས་གཉེན། འགྲོགས་ཚངས་པར་མཚུངས་པ་སྤྱོད་པའི་བཀའ་དྲིན་ལས། རང་ཉིད་ཀྱི་ཅུང་ཟད་ཅིག་ཤེས་པ་དེ་དག་རང་དང་སྐལ་བ་མཉམ་པའི་གང་ཟག་གཅིག་ལས་མེད་ནའང་། དེ་ལ་ཕན་པའི་ཕྱིར་དུ་ལྷག་བསམ་རྣམ་པར་དག་པས་བརྩོན་པར་བྱའོ་སྙམ་པའི་ཀུན་ནས་སླངས་པ་ཡིན།། 4, རང་ཁུངས་ཁང་ཚན་ཆེ་བ་དང་། ན་གཞོན་ཡང་མང་པས་དེ་དག རབ་འབྱུང་གི་རྟེན་མཐར་ཕྱིན་ཡོང་རྒྱུ་དང་། སློབ་གཉེར་གང་བཟང་ཡོང་ཕྱིར་དུ། ལབ་ལབ་དེ་དང་བསྟུན་ནས་ཤག་རྒན་སོགས་བཀྲིན་ཆེ་བའི་སྐོར་དྲན་བསོ་དང་སློབ་གསོ་གཏོང་ཐབས་བཅས་ལ་འབད་ན་མི་བཟང་པོ་ཞིག་ཆགས་པའི་ཐབས་ཤེས་ལེགས་པོར་སེམས།། 5, ལས་འགུལ་འདི་ལྟ་བུས་ཁང་ཚན་འདི་ནང་སློབ་ཁྲིད་བྱེད་མཁན་གང་མང་དང་། སློབ་གཉེར་བ་གང་ཡ...